الرئيسية
السلام عليكم ورحمه الله وبركاته
من كام يوم كده واحد صاحبي بيحكيلي ميل لذيذ جاله بخصوص اخر صيحة للصين في المنتجات ! وبجملت جمايل الصين (الله يسترها ) علينا بالمنتجات اللي غرقتنا من فوانيس وفلايات وشرابات وكافة شيء تتخيله
جت الصين حلا لازمة الزواج غزت بالمنتج الجديد
(الزوجة الصينية)
اللي بتطبخ وتغسل وتعمل كل حاجة وبها خاصية مانع الازعاج ومانع النكد الزوجي ومش بس كدة بتاخد عليها طقم كبايات هدية
وكل دة ب 1000جنيه بس
!!!!!!
طبيعي ضحكت يمكن لأن شر البليه ما يضحك
لكن فكرت كدة شوية
طب بجد اية الحل؟ في ظل الغلاء الرهيب اللي احنا عايشينه والازمات الاقتصادية وارتفاع تكاليف الزواج والشقة والعفش وو
قدامنا اية نعملة غير اننا نألف حاجات زي ونقعد نحكيها ونضحك ونتريق علي ظروفنا
بس استحاله دة هيحل لنا المشكلة
!!!
طب في ظل ان مفيش حد سامعنا ولا حد عايز يساعدنا ويفكر معانا
طب لية احنا منحلهاش لنفسنا ؟
هو احنا صغيرين ؟ احنا اصحاب المشلكة ومحدش هيحلها غيرنا
لا خطة خمسية ولا خطط توظيف ولا اي امال خادعة بيرسموهالنا عشان نتلهي و نسكت هتحللنا مشكلة تأخر الزواج وندرته في الزمن ده
!!!!
طب هتسألني
واية الحل في نظرك يا ابو العرييييف؟
هقولك
مستعجلش ونتفق الاول
انا هقولك الحل بتاعي واوعدني بس انك تسمعني للاخر ولو كلامي معجبش ارميه في البحر زي مابيقولو
لكن لو عجبك بقي يا حلو
هممممممممم
يبقي لازم تبعت الميل دة لكل حبايبك واصحابك عشان ربنا ينشر علي ايدينا الخير للناس ولشبابنا كلهم ان شاء الله تبارك وتعالي
اتفقنا ؟؟
طيب نبدأ علي بركة الله
في البداية حبايبي في الله...انا كتير كنت بسأل نفسي السؤال ده
هو ليه بيقولو علينا اننا ديما غلط ؟
يعني ديما سيف الجلاد لما يحب يعاقب ينزل علي رقابنا احنا ؟ شباب ضايع شباب مغيب شباب.. رغم اننا شباب عندنا طاقة وعندنا مشاعر وعندنا طموح واحلام و....لكن
احنا معندناش اللي يوصلنا
نفسنا في العفة
لكن مع غلاء المهور وتكاليف الزواج وضعف الرواتب واعباء الحياة المتثاقلة علينا ....هنعمل اية؟؟
اه فينا شباب ماشاء الله مستريحين ماديا و عندهم امكانيات الزواج و ممكن بابا يساعد او يكون محوش حاجة يساعد بيها ابنة او بنته في عفتها
لكن في شباب معندهاش
!
في شباب ربنا موسع عليها في العلم والفهم واخدوا وظايف عالية
وفي شباب لآ
احنا مختلفين ولازم نؤمن بكده
لان ربنا خلقنا كده
طب في ارض مشتركة بتجمعنا كلنا
؟
اة
ارض ربنا مش بيفرق فيها بين غني وفقير؟
بين اللي بابا هيساعده وبين اللي عاش يتيم؟
بين الذكي وبين محدود القدرات؟
بين الناس كلها؟
اه فيي .. وهيه قوله تبارك وتعالي
(يا ايها الناس انا خلقناكم من ذكر وانثي وجعلناكم شعوبا وقبائل لتعارفوا ان اكرمكم عند الله اتقاكم ان الله عليم خبير )
طب معني الاية دي ايه ؟
ان الغني مش لازم يكون هوة ليه الدنيا وهو اللي ربنا هيّسرله اموره , و مش اللي شايل حاجة ليوم جوازه هوة بس اللي هيتجوز ولة الحق انة يفرح
طب وضحلي اكتر
حاضر
ربنا سبحانه وتعالي بيبشرنا في سورة (النور) بالبشري الجميلة دي
(وليستعفف الذين لا يجدون نكاحا حتي يغنيهم الله من فضله)
و علماء اللغة بيقولو (حتي) تفيد بلوغ الغاية
يعني الزواج
يعني العفة مقابل الزواج
فكر معايا كدة في المثال دة ولله المثل الاعلي
لو حد ادالك معاد وقالك انا جايلك الساعة 2 الظهر بس انت استناني عند كبري قصر النيل
الشخص دة انت بتثق فية وبتثق في كلامه وانت متأكد انة جاي
لكن انت رحت بدل ما تستناة عند كبري قصر النيل استنيته عند كبري 6 اكتوبر
!!!!
وفضلت مستني
مستني
وعدت الساعه 2 وانت برضه عندك امل انه ييجي
بس هوه مش هيجي لأنك ببساطة استنيته في مكان غلط
!!!
هوة ده فعالا معني الاية
فكر كدة معايا مش ربنا ادالنا معاد وهو معاد زواج وعفة كل شاب وشابة فينا
وادالنا المكان اللي هنستناه فيه وهوه ارض العفة
المكان متحدد والزمان مش متحدد لكن هو سابلك كلمة (حتي) وانت علي قد يقينك في الله بقي هتقّدر (حتي( دي هتيجي امتي
علي قد حسن ظنك في الله هتعرف (حتي) دي هتيجي امتي
ممكن تيجي الساعة
4 الفجر
شوف الفرق بين 4 الفجر و 2 الظهر
!!!
وتجيلك بدري عما تتخيل او تحسب من غير ما تشيل ادني هم مش ربنا اللي قال
(ومن يتق الله يجعل له مخرجا ويرزقه من حيث لايحتسب)
مين فينا يتخيل كرم من
( عندة مفاتح الغيب لا يعلمها الا هو )
مين فين يقدر يتخيل رحمة وسعت كل شيء ؟
لكن حبيب قلبي
انت مستني صح
؟
يعني مستني في المكان الصح
ارض العفة ؟
ولا اسرفت علي نفسك بمشاهدة الحرام ومصاحبة دي ودي
وانتي اختي شغلتي قبلك بدة وده ونسيتي
حبيبك
!!!
اة ربك اللي هيجهزك لعريسك ! ربك اللي هيبعتلك فارس احلامك علي اختياره وهينقيهولك علي عينه التي لاتغفل ولا تنام
هو مش انتي سلمتي امرك ليه؟؟
وسبتي فلان وفلان عشانه
سبتي الدنيا ورحتي ليه
سبتي فلان اللي معاه كذا وكذا بس كان عايز يصاحبك ومشيتي بعيد عنه لمستقبل مجهول ولعريس يا عالم هيكون ظروفه ايه
احسن منه ولا خلاص انا كنت عبيطة وضيعت الفرصة من ايدي
نشفت دماغي وكان ممكن اسايس اموري
مش برضة اختي في الله الشيطان بيدخل من المدخل ده
لكن لا
انتي سبتي الارض الغلط
ورحتي تستني في الأرض الصح
متقلقيش
هو جايلك
والله العظيم جاي
اللي افضل مليون مرة من اللي انتي سبتيه
مش حبيبك المصطفي صلي الله عليه وسلم هو اللي قال
(من ترك شيئا لله أبدله الله خير منه )
انتي مش بتصدقي حبيبك المصطفي الصادق الامين؟
وانت حبيبي في الله واخويا الشاب
تكاليف الزواج غالية
بابا مش هيساعدني وبيتنا علي قد حالة والبطاله والغلاء
وو
.........................
طب خد البشري دي
من حبيبك برضة ما تصلي بقي عليه يا أخي
عليه افضل الصلاة والسلام
(ثلاثة كان حقا الله ان يساعدهم )
وذكر منهم
( وشاب يريد العفة)
هاه
مين بقي اللي هيساعدك المرة دي
رب العزة هو اللي هيتولي تكاليف زواجك
بس انت استني في الحتة اللي قالك تستني فيها بس
متنشفش دماغك وتعالي
فلانة اللي انت مصاحبها دي يلا سيبها وروحو انت وهيه ارض العفة لو فعلا بتحبها ونفسك تتجوزها
!!!!
انت بتقول عليا بهذر صح
ازاي اسيب حبيبتي اللي نفسي ارتبط بيها وبكنلها مشاعر جميله
ازاي اسيبها وتروح لغيري ؟؟؟؟
حاضر هجاوبك متستعجلش علي رزقك
...............
عارف حبيبي في الله في مثال بسيط كدة بيصور حياتنا العاطفية دي كلها
افرض معايا ناس صايمين لله عز وجل في يوم شديد الحرارة وجه قبل الفطار نادي فيهم منادي قال لهم يا جماعة في كروت هتتوزع كل كارت مكتوب عليه اسم صاحبه ومكان كوب الماء اللي هيفطر عليه عشان مفيش حد يتلخبط ولا حد ياخد افطار حد
وكل ساقي كان بيجهز اكواب عنده عشان لما يجي الصائم اللي مكتوب علي الكارت بتاعه انة هياخد كوب ماء من اللي عندة يديهوله
وخلاص الناس فهمت كده وكل واحد استعد واستني اذان المغرب
ف جه واحد
كان صايم زيهم لكنه كان عطشان قوي قوي
بص لقي الناس اللي صايمة كتير قوي واتهيأله ان اكواب الماء مش هتكفي وقال اما الحق انقي لي كوب ماء بارد وحلو قبل ما الناس ياخدوا وملاقيش
!!
وراح فعلا في غفلة من الساقي اللي عجبة كوب ماء من عنده
راح سارق كوب الماء ده
وفضل مخبيه في حتة ضلمة وكئيبة جدا عشان محدش يشوفه معاة وكان كل شوية يبص عليه ويمنّي نفسة باللحظه اللي هيفطر فيها علي الكوب الجميل ده
لحد ما قلبه اتعلق بالكوب دة قوي ومبقاش متخيل حياته من غيره
!!
وجت ساعة الاذان
وقبل ما يقرب من الكوب بص لقي واحد جاي عليه وبمنتهي الغلظة والخشونة اخد منة الكوب ده
لانة ببساطة
مش بتاعة وبتاع الاخ اللي دخل علية ده وهو جه خد حقه
ياااااااااااااااااااااااااااااااااااااه
متخيلين حبايبي احساس الولد في لحظة النهاية الصعبة دي ؟؟
!!
صعب قوي توصفة كلماتي لكن
حسّوها انتو
!!
طب في النهاية
عايز اية من القصة دي ؟
حاضر ... بس تسيبني ثانيه واحدة اقولك مين أبطال القصة دي؟؟
الولد اللي سرق الكوب
هوه
الشاب المخدوع اللي متصاحب علي بنت
والكوب هوه البنت
والساقي هوه الاب
والكروت دي هيه اقدارنا اللي مالناش اختيار فيها
واللي وزعها رب العزة تبارك وتعالي
والضلمة دي هية كل مكالمه تليفون مسروقة او نظرة خاينة او ميعاد في الخفاء عشان محدش ياخد باله
والراجل اللي دخل بخشونة ده
هوة زوج حبيبتك اللي مكتوبلها مش انت
ياااااااااااااااااه
ارجع بقي واقرا تاني وجاوب معايا علي الاسئلة دي
هل لان الاب غفل هل دة سمح لك انك تسرق بنته ؟
هل يساوي الحب عندك مكالمة تليفون مسروقة او نظرة خاينة او معاد في الخفاء عشان محدش ياخذ باله؟
هوة فعلا مشاعرك ناحية البنت دي معناها انك تعيشها في الضلمة دي وهوة ده حبك ليها ؟
طب دلوقتي تبدل الدنيا كلها ويتشال من قلبك الحزن والجرح والاهانة اللي هتفضل عندك طول عمرك بعد المشهد الاخير ده ؟؟
حبيبي في الله هتقولي طب ليه مش العكس وتكون البنت دي ليا وربنا كاتبهالي
هقولك
احسب معايا الحسبة دي
رأس مالك 100 الف جنيه وانت داخل بيه كله تجارة والتجارة دي المكسب المتوقع لو كسبت هيكون
100 جنيه
والخسارة لو خسرت هتكون ال 100 الف جنيه كلها
!!!!!!!!!!!!!!!!!!!!!!
هل لو نسبه نجاحك 99% هتدخل التجارة دي؟؟؟؟؟؟؟؟؟
طبعا لأ
قلبك دة هو رأس مالك وهو ملكك الحقيقي في الدنيا دي
فيه انت شايل اعز ما عندك شايل جواه
حب ربنا سبحانه وتعالي
حب المصطفي صلي الله عليه وسلم
حب ماما وبابا واخواتي واصحابي
كل دول ذنبهم ايه تتكسر السفينة اللي ضامه حبهم وبتبحر بيك وبيهم فوق امواج الحياة والازمات العاتية بتاعتها اللي ممكن تكسرك لولا وجودهم جنبك
مين هيعوضك عنهم بعد كسرة قلبك لا قدر الله يا حبيب قلبي
؟
ربنا
اللي اشركت بيه حد تاني واديتله قلبك
ياتري هترجع له تقوله ايه يوم ما تقف تتحاسب قدامه هوه صاحب كل نعمة ادهالك عشان تعصيه بعد كده بيها !!!!!؟؟
حبيبك محمد صلي الله عليه وسلم اللي بكي في يوم شوقا ليك وسماك حبيبه لانك امنت بيه ومشفتهوش واللي قال
(والله لا يؤمن احدكم حتي اكون احب اليه من نفسه وولده والناس اجمعين)
يا تري يا اشرف المرسلين هقولك اية وانا علي الحوض ونفسي تاخدني في حضنك وتسقيني شربة من ايدك الشريفة
بابا وماما اللي افنو حياتهم معايا ومستنين مني اني اعوضهم
ياتري هودي وشي فين منهم وانا بدل ما يزفوني لعروستي بيدفعو تمن روشتة علاج للاكتئاب او لدكاترة بيعالجوني من مرض نفسي
يااااااااااااااااااااااااااااااااااااااااااه
انا اسف حبيبي في الله لكن انا مش بتكلم والله الا من وجع قلبي عليك
انا عارف اني كئبت عليك موووت
طب هتسألني دلوقتي
واية الحل ؟؟؟؟
هقولك
(في ايدك)
لو فعلا بتحبها سيبها وفهمها كده
طب افرض هيه مفهمتش وافتكرتني بتخلي عنها
؟؟!!
خليك حاسم وخد قرار ولو علي حساب قلبك وقلبها
وجع اللحظة دي والله لا يبلغ واحد علي الالف من وجع لحظة النهايه
!!!!
طب انا كدة بهدم حبي في قلبها لانها هتكرهني ؟
اقولك وبقلب جامد (لا طبعا)
اثبتلك
قال المصطفي صلي الله علية وسلم في حديث صحيح ما معناه
(من ارضي الله في سخط الناس رضي الله عنه وارضي عنه من اسخطم من الناس في رضا الله عز وجل ومن اسخط الله في رضا الناس سخط الله عليه واسخط عليه من ارضاهم من الناس في سخط الله عز وجل)
هاه عرفت ؟؟
ان حبك في قلبها هيفضل محفوظ ومكانتك عندها هتزيد واحترامها ليك لما تعرف الحقيقة وقد ايه كان خوفك عليها !
طب انا ايش يضمنلي انها ترجعلي؟
ربنا يضمنلك انها لو كانت الخير ليك انها تكون ليك وترجعلك
تفتكر ربنا ارادتة ومشيئته ديما بتبقي عكس هوانا ؟؟
ده ربنا ارحم بينا من امهاتنا وارحم بينا من نفسنا
ربنا اللي رد موسي الي امه
ليه يا رب؟؟
(كي تقر عينها ولا تحزن)
ربنا اللي اهدي لزكريا غلام جميل بعد ما يئست منه اسباب الدنيا
(شيخ كبير وامرأته لا تنجب)
طب ليه يا رب ؟؟
(وحنانا من لدنا وزكاة)
ياااااااااااااااااااااااااااااااااه
بقي دة ربنا ؟؟
دة اللي انا بعيد عنه؟؟
بعد كل اللي انت سمعته ده
ايش بقي عرفك ان ربنا مش هيردها اليك
لكي تقرن عينك ولاتحزن
ولو ربنا كاتبهاك والله يا حبيبي ربنا هيجمعك بيها ولو كان مين قصداكو
دة رب العزة مالك القوي والقدر
طب افرض انا كويس ومش بصاحب بنات لكن
(شلّتي)
اقولك
صحبتك اللي بتجرك للاختلاط والفساد دي يلا غيرها وحالا قبل ما ييجي اليوم ده
(و يوم يعض الظالم علي يديه يقول يا ليتني اتخذت مع الرسول سبيلا* يا ويلتي ليتني لم اتخد فلانا خليلا* لقد اضلني عن الذكر بعد اذ جائني وكان الشيطان للانسان خذولا)
طب في بنات حلوة علي النت ويعني بضعف قدام صورهم
الصورة العريانة دي اللي انت ممقق عنيك فيها دي يلا سيبها بقي وقول زوجتي احلي !
زوجتي؟؟
طب هية فين يا عم زوجتي دي؟؟
مش انا قلتلك
عند ربنا
ربنا بيجهزهالك يا بني انت
!!!
مش انت عارف ان مراتك دي مكتوبالك من يوم ما ربنا امر بخلقك ؟؟ يعني معروفة ومكتوبالك وربنا بيربيهالك بقي علي قد عملك وحبك ليها
برضه هتقولي ليها
هية مين دي ؟؟
عروستك
متستعجلش ده بصبرك ده ربك بيجهزهالك جهاز مفيش بعد كده
صيني يعني وملايات وحلل وكده؟؟
لا لا لا
دة جهاز رباني
اخلاق وادب وعفة وحياء
وو........
واجمع بقي الفضائل اللي في الدنيا كلها
شفت بقي الجهاز
اللي ان شاء الله يخليكو سعدا مع بعض واحلي زوجين في الدنيا وتاخد بايدك في ايدها الحنونة وتدخل بيك الجنة ان شاء الله تبارك وتعالي
هاة ما اشتقتش لمراتك يا اخي
؟؟؟؟؟؟؟؟؟؟؟؟؟؟؟؟؟؟؟؟
ده ايه ده ؟؟ا!!
طيب هتسألني وكل دة طب مقابل اية ؟؟؟؟؟
استني في ارض العفة بس
طب و التكاليف هتيجي ازاي ؟
متشيلش هم
هوة حد كان شيلك هم اكلك وشربك وانت جوه بطن امك مالكش حيلة ولاتعرف تعمل اي حاجة ؟؟
هوة انت شلت هم وانت لسة نونو صغير ياتري ازاي هتاكل وازاي هتشرب
مش من صفات المؤمنين انهم علي ربهم يتوكلون ؟؟
خلاص بقي يا اخي متبقاش كئيب
لان ربنا هوة اللي هيشيل عنك
عايز ايه بقي اكتر من كده
.....
....................
حبايبي في الله انا طولت عليكو اكيد
لكني بحبكووووووووو قويييييييييييييييييييييي والله العظيم
ونفسي الاقي كل حبيايبي من المسلمين مستنين جنبي علي كبري قصر النيل
فاكرين
؟
قصدي طبعا ( ارض العفة) الارض الواسعة الخضرا النقية الجميلة
الارض اللي تساع من الحبابيب ملايين
بس انت تعالو ومتتأخروش
يلا بقي تعالو انت لسة واقفين مكانكوا
يلا بقي
ارض العفة مشتاقة لكم قوي
وجزاكم الله خيرا